El Día de Les Lletres Asturianes llega un añu más, otru que pasó
ensin oficialidá. Ye asina tanto o más imprescindible salir a les cais
na convocatoria entamada pola XDLA, na que vamos participar una vegada
más dientro del bloque #LluchandoPolaSoberanía dende la Estación de Renfe d’Uviéu a les 19:30 hores.
Son munchos años de marxinación, desigualdá y represión, pero también
de llucha y reivindicación pol únicu estatus xurídicu que consideramos
almisible y afayaízu pal asturianu y el gallego-asturiano: la
oficialidá, cola que valtiar les discriminaciones que siguimos
careciendo la mocedá y el conxuntu del pueblu asturianu, y tamién, cómo
non, como parte del procesu de recuperación de la nuesa identidá, y de
la nuesa conciencia nacional pa sí.
Sicasí, nun vamos
conformanos con una mera igualdá formal xestionada polos sucursalistes
que mos lleven faciendo agonizar durante décades, sinon qu’esto tien de
venir a acompañao sí o sí por un plan de normalización llingüística en
toles estayes de la sociedá, y n’especial nuna mocedá que, como rellevu
xeneracional, ye la que va garantizar la continuidá de los nuesos
idiomes propios. Y por supuestu, con una tresformación no político, no
social, no económico, no cultural…
Nesi sen paeznos bien claro
qu’esta falta de derechos nun ye casual: ye ún de los munchos aspeutos
nos que l’Estáu español mos intenta aculturizar. Poro, pa combatir estes
problemátiques culturales, igual que pa combatir el paru, la
precariedá, la emigración, la desigualdá de xéneru… apostamos pola
soberanía pal nuesu país, l’únicu marcu col que vamos ser quien a
decidilo too.
No hay comentarios:
Publicar un comentario