Güei 21 de febreru ye'l Día Internacional de la Llingua Materna y
toca otra vegada denunciar la situación antidemocrática que carecemos la
mocedá y el conxuntu del pueblu asturianu, la desigualdá y marxinación a
la que tán sometíes les falantes d’asturianu y gallego-asturiano.
La mocedá ye un elementu vital pa cualesquier llingua, pero más entá
cuando ésta ta en peligru de desaniciu, como ye’l casu asturianu. La
tresmisión a les xeneraciones más moces
tien tou tipu de pilancos, entamando pol sistema educativu, y siguiendo
polos medios de comunicación, les instituciones, etc, que nun faen otro
que querer convencenos de que lo afayaízo ye falar castellán u otres
llingües como l’inglés, baxo criterios que van dende’l nacionalismu
uniformizador más ranciu, hasta la lóxica capitalista más xabaz de
mercantilizar hasta les cultures, faciéndoles competir baxo una especie
de “darwinismu” aplicáu a esta cuestión.
Pero nun vamos quedar namái nes torgues y na quexa: la mocedá tenemos
que dá-y la vuelta a esta situación, siguir garrando concencia de lo
necesario que ye caltener y promocionar el nuesu patrimoniu llingüísticu
y cultural baxo una mentalidá de país, lo mesmo que pa lo político, lo
social, lo mediuambiental, etc: ensin esta visión de país quedamos
condergaos a lo d’agora: a un nin quiero nin puedo, a unes tases
d’avieyamientu, emigración forciada, paru, precariedá… que
cenciellamente nun son caltenibles en nengún país.
Frente a quien mos diz qu’hai qu’adeprender tal o cual llingua por motivos económicos, nós reivindicamos la riqueza cultural. Frente a quien quier siguir faciendo d’Asturies una caricatura folclorizada y alienada, nós apostamos por conocer y recuperar la nuesa identidá como ferramienta de reconstrucción nacional y desalienación.
Poro, nesti día de la llingua materna, reivindicamos una vegada más la oficialidá y un programa de normalización alcordies a ello, nel que la mocedá seya un elementu clave. De la mesma manera, la mocedá tien que ser como siempres vanguardia, y ser cabezalera nun procesu de toma de concencia que ta en marcha, pero nel qu’entá queda muncho por facer pa pensar, falar, vivir, ensin que naide intente cortanos la llingua.
Frente a quien mos diz qu’hai qu’adeprender tal o cual llingua por motivos económicos, nós reivindicamos la riqueza cultural. Frente a quien quier siguir faciendo d’Asturies una caricatura folclorizada y alienada, nós apostamos por conocer y recuperar la nuesa identidá como ferramienta de reconstrucción nacional y desalienación.
Poro, nesti día de la llingua materna, reivindicamos una vegada más la oficialidá y un programa de normalización alcordies a ello, nel que la mocedá seya un elementu clave. De la mesma manera, la mocedá tien que ser como siempres vanguardia, y ser cabezalera nun procesu de toma de concencia que ta en marcha, pero nel qu’entá queda muncho por facer pa pensar, falar, vivir, ensin que naide intente cortanos la llingua.
No hay comentarios:
Publicar un comentario