Esti 21 d’ochobre’l circu vuelve a invadir Asturies, con esos
premios sofitaos por grandes cantidaes de sovenciones públiques a la
gueta d'emponderar y llavar la cara a una monarquía española que mos
impón un símbolu de sumisión humildante p’Asturies: la institución del
“Principado”.
Dende Darréu
consideramos que, un añu más, ye’l nuesu deber como republicanes
asturianes oponenos a los Premios Princesa, pero non dende una
perspeutiva abstracta: facémoslo siendo conscientes de la necesidá de
qu’esi procesu republicanu venga venceyáu a la soberanía del Pueblu
Asturianu, y a la superación d’un sistema capitalista inxustu y que mos
niega un futuru dignu nel nuesu país.
La mocedá lluchamos por un procesu constituyente que faiga de la República Asturiana, el socialismu, y la llucha escontra’l patriarcáu, les ferramientes coles que facer frente al paru descomanáu, a la precariedá, a la emigración, a la represión, y a formes de gobiernu, xefatura d’estáu, o cualquier otru simbolismu, de raigañu antidemocráticu, como ye la monarquía y como ye’l propiu nacionalismu español sobre’l que se desendolca esti Estáu.
Poles mesmes, paeznos llamentable que les instituciones públiques asturianes malapenes dediquen esfuerzu dalu n’iguar los problemes de la mocedá asturiano, demientres que pal pan y circu hai sovenciones millonaries d’Ayuntamientos como l’uvieín, de gobiernos como l’asturianu, y de les empreses detrás de les que s’escuenden les oligarquíes que mos esploten.
Con too ello, vemos pernecesario que la mocedá asturiano dea una rempuesta contundente esti vienres 21 d’ochobre, refugando los Premios Princesa na concentración entamada na Plaza La Escandalera. Nós fadrémoslo dientro del bloque #LluchandoPolaSoberanía, porque nun queremos Principado, nun queremos monarquía: puxamos pola República Asturiana, por un futuru pa la mocedá, por una clase trabayadora asturiana empoderada, por un país llibre de discriminaciones y desigualdaes.
NIN PREMIOS, NIN PRINCIPADO NIN MONARQUÍA
REPÚBLICA ASTURIANA, SOCIALISTA Y SOBERANA
La mocedá lluchamos por un procesu constituyente que faiga de la República Asturiana, el socialismu, y la llucha escontra’l patriarcáu, les ferramientes coles que facer frente al paru descomanáu, a la precariedá, a la emigración, a la represión, y a formes de gobiernu, xefatura d’estáu, o cualquier otru simbolismu, de raigañu antidemocráticu, como ye la monarquía y como ye’l propiu nacionalismu español sobre’l que se desendolca esti Estáu.
Poles mesmes, paeznos llamentable que les instituciones públiques asturianes malapenes dediquen esfuerzu dalu n’iguar los problemes de la mocedá asturiano, demientres que pal pan y circu hai sovenciones millonaries d’Ayuntamientos como l’uvieín, de gobiernos como l’asturianu, y de les empreses detrás de les que s’escuenden les oligarquíes que mos esploten.
Con too ello, vemos pernecesario que la mocedá asturiano dea una rempuesta contundente esti vienres 21 d’ochobre, refugando los Premios Princesa na concentración entamada na Plaza La Escandalera. Nós fadrémoslo dientro del bloque #LluchandoPolaSoberanía, porque nun queremos Principado, nun queremos monarquía: puxamos pola República Asturiana, por un futuru pa la mocedá, por una clase trabayadora asturiana empoderada, por un país llibre de discriminaciones y desigualdaes.
NIN PREMIOS, NIN PRINCIPADO NIN MONARQUÍA
REPÚBLICA ASTURIANA, SOCIALISTA Y SOBERANA
No hay comentarios:
Publicar un comentario