Presentámosvos el restu d’actividaes que van
componer el Día de la Mocedá Revolucionario 2016, onde non solo hai espaciu pa
la música: tamién pa la reflexón, l’homenaxe, la reivindicación, y la
camaradería.
VIENRES 14
CSA LA SEMIENTE – 18:30 – Charra: “Esperiencies
de la llucha xuvenil en Galiza”
Compañeres de la organización xuvenil Isca!
van a compartir con nós les sos esperiencies de llucha xuvenil nel contestu
gallegu, bien averáu a nós y del que podemos deprender y compartir abondos
aspeutos: les lluches desendolcaes, los pilancos sufríos… na llucha por un país
llibre, soberanu, y nel que la mocedá cunte col futuru que-y correspuende.
SÁBADU 15
CAI BELARMINO TOMÁS – 13:00 – Homenaxe a
los/es revolucionarios/es d’ochobre’l 34
Aprovechando la presencia del monolitu
d’homenaxe a Belarmino Tomás –ún de los cabezaleros de la revolución
d’ochobre’l 34-, vamos facer alcordanza y reivindicar na cai non solo estos
fechos, sinon tamién al so protagonista principal: la clase trabayadora del
nuesu país.
CP JOSÉ BERNARDO (SAMA) – 14:30- Xinta Popular
Col enfotu de siguir estrechando llazos ente’l
texíu combativu asturianu, entamamos una xinta popular el Colexu Públicu José
Bernardo. La mesma tien el preciu de 5 euros, cola esistencia d’alternativa
vegano. Ye preciso apuntase previamente pa un meyor cálculu de la comida
necesaria.
PARQUE VIEYU (LA FELGUERA) – 17:00 – Ruta
hestórica pelos principales escenarios de la revolución
El conceyu llangreanu foi ún de los
protagonistes absolutos de la revolución d’ochobre’l 34. Sicasí, hai milenta
coses qu’entá nun conocemos de lo asocedío. Ye por ello que, gracies a la
hestoriadora Amaya Caunedo y les sos desplicaciones, vamos poder percorrer los
principales llugares y fechos de la revolución na zona.
No hay comentarios:
Publicar un comentario