[ Nesti enllaz podéis ampliar el cartelu pa una meyor visión: https://2.bp.blogspot.com/
Como yá
adelantábemos anteriormente, los díes 14 y 15 d’ochobre son los escoyíos pa les
actividaes musicales d’esti Día de la Mocedá Revolucionario 2016. Pesie a qu’anteriormente
anunciábemos La Felguera como ubicación, torgues colos permisos municipales
faen que finalmente’l llugar escoyíu seya SAMA DE LLANGRÉU, nel Colexu Públicu
José Bernardo.
VIENRES 14 DENDE
LES 21:00, ENTRADA LLIBRE:
-NUECHE EN DANZA
& FOLK
Dellos problemes
llaborales de músicos ficieren que’l cartelu camude respeuto a lo adelantao
anteriormente. Asina, van tocar TUENDA, LOS COLLACIOS y CUATROLÁN + escenariu llibre/micru
abiertu pa quien s’anime a siguir enllenando de música y baille la nueche. Por
segundu añu, dende Darréu apostamos por esparder la música del país na so vertiente
tradicional, que non por ello menos aprovechable como parte fundamental na
recuperación y actualización de los nuesos raigaños culturales.
SÁBADU 15 DENDE LES
20:00, 10 ANTICIPADA / 12 TAQUILLA:
-XIII ASTURIES NUN
ESCAEZ
Nun podría faltar
un añu más el XIII Asturies Nun Escaez, y esti añu vien con un cartelu
perprestosu: MISIVA, AÑOS DE PLOMO, PABLO HASEL, SKAMA LA REDE, VENDETTA Y
ESCUELA DE ODIO. Axúntense asina grupos punteros de la escena asturiana, con
otros vinientes d’Euskal Herría o Païssos Catalans, diendo dende estilos como’l
rap, al hardcore, o l’ska. Seis grupos que nun van dexar indiferente a naide.
PUNTOS DE VENTA
ANTICIPAO:
La Felguera:
Matteria
La Pola Siero: El
Cuévano
L’Entregu: Chigre Ochobre
La Pola L.lena:
Paralelo Social Club
Mieres: L’Abellugu
Ribeseya: Corquiéu
Sama: La Industria
Uviéu: L’Esperteyu,
Llar La Llegra
Villaviciosa: La
Bodega
Xixón: Omerta,
Sidrería Canteli
A too esto hai que
sumar les actividaes polítiques. La yá adelantada charra d’Anna Gabriel
(Feminismu, cuestión de xéneru y medios de comunicación) del 22 d’ochobre nel
Llar La Llegra, y otres munches pa esos 14 y 15 d’ochobre qu’anunciaremos bien
pronto.
PUXA OCHOBRE’L 34
PUXA LA MOCEDÁ QUE
LLUCHA
No hay comentarios:
Publicar un comentario